Über Weihnachten werden auch wir mal eine Auszeit nehmen. Deshalb könnt ihr am 19. und 20. Dezember die Stange für 3.- und das Grosse für 5.- haben und uns helfen, die Fässer zu leeren. Danach haben wir bis am 8. Januar Betriebsferien.
Scho wider isch es Jöhrli fasch verbii.
Bald chunt s‘Chrischtchindli und mir gönned öis e churzi Verschnuufpause im Pub.
Damit mir Aafang 2026 nöd villi agschtocheni Bierfässer müend uslääre, bruuche mer d’Hilf vo allne durschtige Lüüt:
Am Friitig/Samschtig, 19./20. Dez stiigt drum die grossi UUSTRINKETE!
Ab em vieri mache mer s’Pub uuf. Alli Sorte als Stange gits für drüü Franke, s‘Grosse für föif Franke. Alli Fässer müend läär wärde!
Dezue gitts wider emal öise feini Bierfleischchäs mit Büürli für achtfüffzg.
Zum dä Winter au richtig iizlüüte, schüüche mer kein Ufwand! Dussä im Biergarte gits ä kuuli Überraschig, wo öi s‘Bier und dä Fleischchäs no besser schmöcke laat! Defür danke mer jetzt scho dä freiwillige Hälfer!
Chömed verbii und mached nomal richtig Party im und vor em Pub, bevor dänn die ruhigeri Wienachtsziit losgaat.
Mir fröied öis uf ganz vill durschtigi Gescht!
Ab em 8. Januar sind mir wider da für öi. Rutsched dänn guet!
