Am Samschtig, 6. Dezämber 2025 – Dä Samichlaus chunt in Löie!
Nach eme Jahr elläige im Wald hät dä Samichlaus wider emal Luscht uf en gsellige Aabig. Drum chunt er am Samschtig, em 6. Dezämber ab em Vieri zu öis is Pub.
Chömed verbii mit Chind und Chegel!
Und sind dänn mal d’Chind im Bett,
wird d’Party richtig fett!
Ab em Achti leit dä Samichlaus uuf,
dänn bruuchts statt emene Sprüchli en Dance Move.
Statt „Hinder em Ofe steggi“
gits „Hells, Dunkels und Göpfi“.
Hät dänn öpper dä Znacht vergässe,
zauberet dä Bobby no öppis z‘Ässe.
Wär chunt am Samschtig in Löie?
Dä wirds ganz sicher nöd beröie –
und au dä Samichlaus würds fröie!
Musig, gueti Drinks und cooli Lüüt
da gits in Glattfälde susch nüüt!
Chömed verbii! Uf Glattfälde in Löie!
Es wür öis fröie!
